Goranboyda gənc qadın dəm qazından zəhərlənib

Goranboyda zəhərlənmə hadisəsi olub.

"Report"un Qərb Mərkəzinin məlumatına görə, hadisə Qızılhacılı qəsəbəsində baş verib. Rayon sakini, 1996-cı il təvəllüdlü M.Məmmədova yaşadığı evdə dəm qazından zəhərlənib.

Qadın yaxınları tərəfindən xəstəxanaya aparılıb, onun vəziyyətinin qənaətbəxş olduğu bildirilir.

Faktla bağlı araşdırmalara başlanılıb.