Yuxarı
    Bağlamaq

    Goranboyda fərdi yaşayış evi yanıb - FOTO

    Faktla bağlı araşdırma aparılır

    Goranboy. 29 dekabr. REPORT.AZ/ Goranboy rayonunda fərdi yaşayış evi yanıb. 

    "Report"un Qərb bürosu xəbər verir ki, hadisə rayonun Aşağı Ağcakənd qəsəbəsində Laçın rayonundan məcburi köçkün olan Soltan Cəfərova məxsus evdə baş verib. 

    Məlumata görə, yanğın ev sahibləri mənzildə olmadığı vaxt qeydə alınıb. Nəticədə qonşular yanğınsöndürənləri hadisə yerinə çağırıblar. Xocalı rayon Dövlət Yanğından Mühafizə Hissəsinin əməkdaşları yanğını söndürərək digər tikilərə keçməsinin qarşısını alıblar. 

    Ancaq 48 kvadratmetr sahəsi olan ev əşyaları ilə birlikdə yanaraq yarasız hala düşüb. Ev sahibi yanan mənzildə müəyyən miqdarda pul və qızıl-zinət əşylarının da yandığını bildirib. 

    Faktla bağlı araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi