Yuxarı
    Bağlamaq

    Goranboyda baş vermiş yol qəzasında 4 nəfər xəsarət alıb - YENİLƏNİB

    İlkin ehtimala görə, qəzaya səbəb sürücünün nəqliyyat vasitəsinə idarəetməni itirməsi olub

    Goranboy. 1 mart. REPORT.AZ/ Gecə saatlarında Goranboyun Dəliməmmədli qəsəbəsində bir neçə nəfərin xəsarət alması ilə nəticələnmiş yol qəzası baş verib.

    "Report"un Qərb bürosunun məlumatına görə, "Mercedes-Benz" markalı avtomobilin yol kənarındakı maneə çırpılması nəticəsində  4 nəfər yaralanıb.

    Yaralılar təcili tibbi yardım maşını ilə Gəncə Şəhər Təcili Tibbi Yardım Xəstəxanasına aparılıblar. Dərhal həkimlər tərəfindən əməliyyata alınan yaralılardan ikisi - 1996-cı il təvəllüdlü İbarahimova Əfsanə Sədrəddin qızı və 1989-cu il təvəllüdlü, Mustafayeva İlahə Naqil qızı travmatologiya şöbəsinə yerləşdiriliblər.

    Digər yaralılar - 1985-ci il təvəllüdlü, Tağıyeva Esmira Eldar qızının və 1985-ci il təvəllüdlü Mustafayev Xəyal Akif oğlunun vəziyyəti ağır olduğundan onlar Gəncə şəhərindəki özəl xəstəxanalardan birinə köçürülüblər.

    İlkin ehtimala görə, qəzaya səbəb sürücünün nəqliyyat vasitəsinə idarəetməni itirməsi olub.

    Faktla bağlı Goranboy Rayon Polis Şöbəsi tərəfindən araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi