Gömrükçülər avtomobildə gizlədilən mobil telefonlar aşkar ediblər

Bakı. 21 noyabr. REPORT.AZ/ Dövlət Gömrük Komitəsi (DGK) Tovuz Gömrük İdarəsinin "Sınıq Körpü" gömrük postunda Gürcüstandan gələn Azərbaycan vətəndaşının idarə etdiyi minik avtomobilinə gömrük baxışı keçirilib. Bu barədə “Report”a DGK-nın mətbuat xidmətindən məlumat verilib.

Bildirilib ki, baxış zamanı avtomobildə idarəetmənin altında gizlədilmiş 4 ədəd “Samsung Galaxy J1 ace” markalı mobil telefon aşkar edilərək götürülüb.

Faktla bağlı araşdırma aparılır.