Gəncədə avtomobil vuran tələbələrin kimliyi məlum olub - YENİLƏNİB

Gəncə. 22 dekabr. REPORT.AZ/ Gəncə şəhərində avtomobillə vurulan piyadaların kimliyi məlum olub.

"Report"un Qərb bürosunun məlumatına görə, bunlar Tərtər rayon sakinləri - 1993-cü il təvəllüdlü Mehdiyev Mehdi Rövşən oğlu və 1993-cü il təvəllüdlü Tufanlı Həsən Zaur oğludur.

Hər iki piyada qəza törədən sürücü tərəfindən xəstəxanaya çatdırılıb. Həkimlər onların vəziyyətini qənaətbəxş kimi qiymətləndirirlər.

M.Mehdiyev Gəncədəki universitetlərdən birinin 3-cü kursunda, H.Tufanlı isə 2-ci kursunda oxuyur. 

Qeyd edək ki, hadisə dekabrın 21-də axşam saatlarında şəhərin Heydər Əliyev prospektində baş verib. Tələbələri "Seat Toledo" markalı avtomobil vurub. 

Faktla bağlı araşdırma aparılır.

*** 21 dekabr, saat 23:05

Gəncə şəhərində iki piyadanı avtomobil vurub.

"Report"un Qərb bürosunun məlumatına görə, hadisə Heydər Əliyev prospektində iki tələbə yolu qarşı tərəfə keçmək istəyən zaman baş verib.

Yaralılar qəzanı törədən sürücü tərəfindən xəstəxanaya aparılıb.

Faktla bağlı araşdırma aparılır.

Daha əvvəl Bakıda avtomobil piyadanı vuraraq öldürüb.