​Gəncədə sərnişin avtobusu qəzaya düşüb, xəsarət alanlar var - FOTO

Gəncə. 11 iyul. REPORT.AZ/ Gəncə şəhərində sərnişin avtobusu qəzaya düşüb. "Report"un Qərb bürosunun məlumatına görə, hadisə şəhərin Təbriz küçəsində baş verib.
Şəhər ərazisində 1 nömrəli marşurut xətti üzrə fəaliyyət göstərən "Hyundai" markalı sərnişin avtobusu Gəncə şəhər sakini Əbülfəz Bayramovun idarə etdiyi "Vaz-2105" markalı avtomobillə toqquşub. Nəticədə "Vaz-2105" markalı avtomaşının sürücüsü və avtomobildə olan sərnişin  Zemfira Zeynalova baş nahiyəsindən xəsarət alaraq xəstəxanaya yerləşdirilib. Hər iki yaralının vəziyyətinin ağır olduğu bildirilir.