Yuxarı

Gəncədə qanunsuz taksi fəaliyyəti göstərən sürücülərə qarşı reyd keçirilib - FOTO

Növbəti günlərdə mikroavtobuslarda maye qazdan istifadə hallarına qarşı reydlər keçiriləcək

Bakı. 23 sentyabr. REPORT.AZ/ Nəqliyyat Nazirliyinin (NN) Dövlət Avtomobil Nəqliyyatı Xidmətinin (DANX) Gəncə Regional Şöbəsinin əməkdaşları Gəncədə şəhərdaxili ictimai nəqliyyatda qaydalara əməl etməyən və qanunsuz olaraq taksi fəaliyyəti göstərən sürücülərə qarşı reyd keçirib. "Report" xəbər verir ki, aparılan yoxlamalar zamanı bir çox sürücünün vahid geyim formasından istifadə etmədiyi, avtomobili natəmiz saxladığı, nəqliyyat vasitəsini sənədsiz idarə etdiyi məlum olub.

DANX-nin Gəncə Regional Şöbəsinin aparıcı məsləhətçisi İsa Quliyev bildirib ki, keçirilən reydlər zamanı 4 nəqliyyat vasitəsinin sürücüsünə qarşı inzibati qaydada protokol tərtib olunub: "3 nəqliyyat vasitəsi isə xətdən uzaqlaşdırılıb. Bundan başqa, 7 nəqliyyat vasitəsi çirkli olduğundan, təmizlənməsi üçün müvəqqəti olaraq xətdən çıxarılıb".

Qeyd edək ki, növbəti günlərdə mikroavtobuslarda benzin əvəzinə, maye qazdan istifadə hallarına qarşı da reydlər keçiriləcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi