Yuxarı
    Bağlamaq

    Gəncədə piyadanın xəsarət alması ilə nəticələnən yol qəzası baş verib

    Qəzənfər Nurani yolu keçmək istəyərkən avtomobil onu vurub

    Gəncə. 17 oktyabr. REPORT.AZ/ Gəncədə piyadanın xəsarət alması ilə nəticələnmiş yol qəzası baş verib.

    "Report"un Qərb bürosunun məlumatına görə, hadisə axşam saat 22 radələrində şəhərin Heydər Əliyev prospektində baş verib.

    Gəncə şəhər sakini, 1986-cı il təvəllüdlü Qəzənfər Əbülfəz oğlu Nurani yolu keçmək istəyərkən "VAZ-2107" markalı avtomobil onu vurub. Müxtəlif bədən xəsarətləri almış piyada Gəncə şəhər Təcili Tibbi Yardım Xəstəxanasına yerləşdirilib. 

    Həkimlər tərəfindən dərhal əməliyyat edilən yaralının vəziyyəti orta-ağır olaraq qalır.

    Hadisə ilə bağlı Gəncə Şəhər Baş Polis İdarəsində araşdırmaya başlanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi