Gəncədə müəllim bıçaqlanıb - YENİLƏNİB

Gəncə. 11 oktyabr. REPORT.AZ/ Azərbaycan Dövlət Aqrar Universiteti (ADAU) Gəncə şəhərində bıçaqlanmış müəllimin bu ali təhsil ocağında işləməsi barədə yayılan məlumatlara münasibət bildirib.

ADAU-dan "Report"un Qərb bürosuna bildirilib ki, bu universitetdə Sənan Tahirov ad-soyadlı müəllim çalışmır və universitetin ərazisində hər hansı bir bıçaqlanma hadisəsi olmayıb.

Qeyd edək ki, bıçaqlanan şəxsin şəhərdə fəaliyyət göstərən kurslardan birinin müəllimi olduğu bildirilir.

*** 16:58

Gəncə. 11 oktyabr. REPORT.AZ/ Gəncə şəhərində müəllim bıçaqlanıb.

"Report"un Qərb bürosunun məlumatına görə, 1985-ci il təvəllüdlü Sənan Vəli oğlu Tahirov otağında bıçaqlanıb. 

Yaralı xəstəxanaya yerləşdirilib. 

Onun şəhərdə fəaliyyət göstərən kursların birinin müəllimi olduğu bildirilib.

Faktla bağlı araşdırma aparılır.