Gəncə. 22 fevral.
Bu barədə "Report"un Qərb bürosuna Daxili İşlər Nazirliyinin Mətbuat xidmətinin Gəncə regional qrupundan məlumat verilib.
Belə ki, fevralın 6-da Gəncə şəhər Baş Polis İdarəsinin Nizami rayon Polis idarəsinə müraciət edən şəhər sakini olan bir qadın ona məxsus mənzildən məişət əşylarının oğurlandığını bildirib.
Nizami RPİ-nin apardığı araşdırmalar zamanı məlum olub ki, vətəndaşın mənzildən ümumi dəyəri 1800 manat olan məişət əşyaları oğurlanıb.
Həyata keçirilən əməliyyat-axtarış tədbirləri nəticəsində oğurluq edən şəxsin həmin mənzildə kirayə qalan, əvvəllər məhkum olunmuş Rüstəm Sadıxov olduğu müəyyən edilib. R.Sadıxov saxlanılaraq maddi sübutlarla birlikdə istintaqa təhvil verilib.
Faktla bağlı araşdırma aparılır.