Gəncədə gənc oğlan özünə xəsarət yetirib

Gəncə. 29 dekabr. REPORT.AZ/ Gəncədə gənc oğlan xəsarət alıb.

"Report"un Qərb bürosunun məlumatına görə, Gəncə şəhər sakini, 19 yaşlı Röyal Məmmədov döş qəfəsindən qayçı xəsarəti ilə xəstəxanaya yerləşdirilib. Ona həkimlər tərəfindən tibbi yardım göstərilib və hazırda vəziyyətinin normal olduğu bildirilir.

İlkin məlumatlara görə, gənc hələ ki bilinməyən səbəbdən əsəbləşərək özü-özünə xəsarət yetirib.

Faktla bağlı araşdırma aparılır.