Gəncə. 25 dekabr. REPORT.AZ/ Gəncə şəhərində bıçaqlanan gənc xəstəxanada ölüb.
"Report"un Qərb bürosunun məlumatına görə, xəstəxanaya yerləşdirilən, göstərilən tibbi yardımlara baxmayaraq, 1990-cı il təvəllüdlü Həsənov Elçin Ədalət oğlunun həyatını xilas etmək mümkün olmayıb.
Hadisənin kim tərəfindən və hansı səbəbdən törədildiyi barədə hələ ki, məlumat yoxdur.
Faktla bağlı araşdırma aparılır.
***22:35
Gəncə. 24 dekabr. REPORT.AZ/ Gəncə şəhərində bıçaqlanma hadisəsi olub.
"Report"un Qərb bürosunun məlumatına görə, hadisə şəhərin "Gəj zavodu" adlanan ərazisinin yaxınlığında baş verib.
Şəhər sakini, 1990-cı il təvəllüdlü Həsənov Elçin Ədalət oğlu hələ ki, bilinməyən səbəbdən bıçaqlanıb. O, yaxınları tərəfindən xəstəxanaya aparılıb. Cərrahiyə əməliyyatı olunan yaralının vəziyyətinin orta-ağır olduğu bildirilir.
Faktla bağlı araşdırma aparılır.
Xatırladaq ki, daha əvvəl Gəncədə ər arvadını bıçaqlayıb.