Yuxarı
    Bağlamaq

    Gəncədə ağır yol qəzasında ölən hər 3 nəfərin şəxsiyyəti müəyyənləşib - ƏLAVƏ OLUNUB-2

    Yaralıların vəziyyəti ağırdır

    Gəncə. 31 oktyabr. REPORT.AZ/ Gəncə-Şəmkir yolunun Gəncə Beynəlxalq Hava Limanına yaxın ərazisində baş verən ağır yol qəzasında ölən hər 3 nəfərin şəxsiyyəti məlum olub.

    "Report"un Qərb bürosunun məlumatına görə, bu, "VAZ-2106"da olan 1960-cı il təvəllüdlü Hüseynov Rafiq İmran oğlu və 1992-ci il təvəllüdlü Gədəbəy rayon sakini Ələkbərov Nicat Əliağa oğludur.

    ***21:58

    Şəmkirdə baş vermiş ağır yol qəzasında ölənlərin sayı 3 nəfərə çatıb, 4 nəfər yaralanıb.

    "Report"un Qərb bürosunun məlumatına görə, qəza "90-DC-183" dövlət qeydiyyat nişanlı "VAZ-2106" markalı avtomobil ilə dövlət nömrə nişanı "57-BZ-077" olan "Volkswagen Passat" markalı maşının toqquşması nəticəsində baş verib.

    Nəticədə "VAZ"da olan 2 nəfər hadisə yerində, 1 nəfər isə xəstəxanada ölüb, daha 4 nəfərin isə vəziyyəti ağırdır. Xəstəxanada ölən şəxs 1985-ci il təvəllüdlü Əhmədov Vüsal Ramiz oğludur.

    ***

    Bu gün axşam saatlarında Gəncə-Şəmkir yolunda ağır nəqliyyat hadisəsi baş verib.

    "Report"un Qərb bürosunun məlumatına görə, "VAZ 2106" və "Volkswagen Passat" markalı avtomobillərin toqquşması nəticəsində 2 nəfər ölüb, 5 nəfər yaralanıb.

    Yaralılar – 1987-ci il təvəllüdlü Namazov Rəşad, 1987-ci il təvəllüdlü Zeynalov Nihat Elbrus oğlu, 1989-cu il təvəllüdlü Mahmudov Pərviz Fidail oğlu və 1992-ci il təvəllüdlü Qafarov Ricad Məşədi oğlu Gəncə şəhər Təcili Tibbi Yardım Xəstəxanasına yerləşdirilərək əməliyyat olunublar.

    Hazırda qəzanın səbəbləri və ölənlərin şəxsiyyəti müəyyənləşdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi