Gəncədə 59 yaşlı qadını avtomobil vurub

Gəncə şəhərində piyadanın vurulması ilə nəticələnən yol qəzası baş verib.

"Report"un Qərb Mərkəzinin məlumatına görə, hadisə şəhərin Nizami Gəncəvi prospektində qeydə alınıb.

Belə ki, yolu qarşı tərəfə keçmək istəyən 59 yaşlı Arifə Eminovanı avtomobil vurub. Müxtəlif bədən xəsarətləri alan piyada xəstəxanaya yerləşdirilib.

Faktla bağlı araşdırma aparılır.