Göygöl sakini qudasını bıçaqladı - YENİLƏNİB

Göygöl sakini qudasını bıçaqladı - YENİLƏNİB Gəncə şəhərində bazar ərazisində keçmiş qohumlar arasında mübahisə yaşanıb, onlardan biri digərinə bıçaqla xəsarət yetirib.
Hadisə
414
18 İyul , 2021 10:15
Göygöl sakini qudasını bıçaqladı - YENİLƏNİB

Gəncə şəhərində qohumunu bıçaqlayan şəxs hadisə yerindən qaçıb.

"Report"un Qərb Mərkəzinin məlumatına görə, Göygöl Topalhəsənli kənd sakini 1965-ci il təvəllüdlü Nemət Yusubov şəhər ərazisində fəaliyyət göstərən bazarların birində şəxsi münasibət zəmnində öz qudası, Göygöl Topalhəsənli kənd sakini 1963-cü il təvəllüdlü Elxan Abdullayevə bir bıçaq zərbəsi ilə daxilə keçən bədən xəsarəti yetirib.

Cinayəti törətməkdə şübhəli bilinən şəxs, daha sonra hadisə yerindən qaçıb.

Hazırda polis əməkdaşları tərəfindən onun saxlanılaraq istintaqa cəlb edilməsi üçün əməliyyat-axtarış tədbirləri aparılır.

08:09

Gəncə şəhərində bazar ərazisində keçmiş qohumlar arasında mübahisə yaşanıb, onlardan biri digərinə bıçaqla xəsarət yetirib.

"Report"un Qərb Mərkəzinin məlumatına görə, Göygöl rayon sakini, 56 yaşlı Elxan Abdullayev Gəncə şəhərində bazar ərazisində keçmiş qudası ilə aralarında yaşanan mübahisə zəminində bıçaq xəsarəti alıb.

O, Gəncə şəhər Təcili Tibbi Yardım Xəstəxanasına yerləşdirilib.

Qeyd edək ki, tərəflər arasında öncələr də mübahisə yaşandığı bildirilir.

Faktla bağlı araşdırmalara başlanılıb.

Son xəbərlər

Orphus sistemi