Gəncədə 3 nəfərin dəm qazından ölməsi ilə bağlı cinayət işi başlanılıb

Gəncədə 3 nəfərin dəm qazından ölməsi ilə bağlı cinayət işi başlanılıb Digər təxirəsalınmaz hərəkətlər yerinə yetirilib
Hadisə
109
9 Mart , 2021 15:10
Gəncədə 3 nəfərin dəm qazından ölməsi ilə bağlı cinayət işi başlanılıb

Gəncə şəhərində 3 nəfərin dəm qazından ölməsi ilə bağlı cinayət işi başlanılıb.

Bu barədə "Report"a Gəncə Şəhər Prokurorluğundan məlumat verilib.

Bildirilib ki, martın 8-i saat 9 radələrində Gəncə şəhəri, Yeni Gəncə qəsəbəsi ərazisində 3 nəfər şəxsin meyitinin yaşadıqları evdə aşkar edilməsi barədə şəhər prokurorluğuna məlumat daxil olub.

Cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitlərə baxış keçirilib, o cümlədən digər təxirəsalınmaz hərəkətlər yerinə yetirilib.

İlkin araşdırmalarla müəyyən olunub ki, 1987-ci il təvəllüdlü Məmmədova Leyla Yunis qızı 2 uşağı ilə birlikdə yaşadıqları mənzildə dəm qazından zəhərlənərək ölüblər.

Faktla bağlı Gəncə Şəhər Prokurorluğunda Cinayət Məcəlləsinin 314.3-cü (səhlənkarlıq, ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanıb.

İş üzrə məhkəmə-tibb, məhkəmə-texniki təhlükəsizlik ekspertizaları təyin olunub, şahidlər dindirilib və digər zəruri prosessual hərəkətlər yerinə yetirilib.

Hazırda cinayətin baş vermə səbəblərinin dəqiqləşdirilməsi və təqsirkar şəxslərin müəyyən edilməsi istiqamətində zəruri istintaq-əməliyyat tədbirləri davam etdirilir.

Son xəbərlər

Orphus sistemi