Gəncədə 27 yaşlı gənc boğazından bıçaqlandı

Gəncə şəhərində bıçaqlanma hadisəsi baş verib.

"Report"un Qərb Mərkəzinin məlumatına görə, 27 yaşlı Allahverdi Tağızadə boğaz nahiyəsindən bıçaq xəsarəti alıb.

Yaralı Gəncə şəhər Təcili Tibbi Yardım Xəstəxanasına çatdırılıb və Travmatologiya şöbəsinə yerləşdirilib. Onun mübahisə zəminində bıçaqlandığı güman edilir.

Faktla bağlı araşdırmalara başlanılıb.