Gəncədə 10 otaqlı inzibati binada yanğın olub

Bakı. 9 yanvar. REPORT.AZ/ Gəncə şəhərinin Kəpəz rayonunda yanğın olub. “Report” Fövqəladə Hallar Nazirliyinin (FHN) rəsmi saytına istinadən xəbər verir ki, ümumi sahəsi 200 kv.m olan ikimərtəbəli 10 otaqdan ibarət inzibati binanın 2-ci mərtəbəsində kargüzarlıq otağının yanar konstruksiyaları, içərisində olan əşyalar 40 kv.m sahədə yanıb. İnzibati binanın qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.