Gəncə-Şəmkir yolunda avtomobil aşıb, 2 nəfər ölüb - ƏLAVƏ OLUNUB

Gəncə. 2 noyabr. REPORT.AZ/ Gəncə-Şəmkir yolunda baş vermiş avtoqəzada 2 nəfər ölüb.

"Report"un Qərb bürosunun məlumatına görə, qəza "99-FX-120" dövlət qeydiyyat nişanlı "Mersedec-Benz" markalı avtomobilin idarəetmədən çıxaraq aşması nəticəsində baş verib.

Nəticədə sürücü, Gəncə şəhər sakini, 1992-ci il təvəllüdlü Kənan Orxan oğlu Ələkbərov və adı hələlik məlum olmayan sərnişin dünyasını dəyişib. Hadisə ilə bağlı araşdırma aparılır.

***

Hava limanına gedən yolun yaxınlığında baş vermiş qəza zamanı avtomobil ortadan 2 hissəyə bölünüb. Qəzada sürücü sükanın arxasında ölüb, qadın sərnişin isə maşından kənara düşüb. Hazırda hadisə yerində Dövlət Yol Polisi İdarəsinin əməkdaşları qəzanın başvermə səbəblərini və dünyasını dəyişənlərin şəxsiyyətini araşdırır.