Göygöl rayonunda yol-nəqliyyat hadisəsi zamanı ölən piyadanın şəxsiyyəti məlum olub.
"Report"un Qərb Mərkəzinin məlumatına görə, bu, 1957-ci il təvəllüdlü Gəncə şəhər sakini Ehtiram Həsənovdur.
***23:13
Göygöl rayonunun Yeni Qızılca kəndi ərazisində piyadanın ölümü ilə nəticələnən yol qəzası baş verib.
"Report"un Qərb Mərkəzinin məlumatına görə, avtomobil tərəfindən vurulan kişi ağır halda Gəncə şəhər Təcili Tibbi Yardım Xəstəxanasının Reanimasiya şöbəsinə aparılıb. Lakin onun həyatını xilas etmək mümkün olmayıb.
Ölən şəxsin yaxınları xəstəxanada tibb müəssisəsinin əməkdaşlarına təzyiq göstəriblər, şöbənin bir neçə pəncərəsinin şüşəsi sındırılıb. Əraziyə polis əməkdaşları cəlb olunub.
Faktla bağlı araşdırma aparılır.