Yuxarı
    Bağlamaq

    Gədəbəy sakini dayısı oğlu tərəfindən bıçaqlanıb

    Qaragöz İbrahimov dayısı oğlu tərəfindən bıçaqlanıb© Courtesy İmage

    Gədəbəy. 18 may. REPORT.AZ/ Gecə saatlarında Gədəbəydə bıçaqlanma hadisəsi baş verib.

    "Report"un Qərb bürosunun məlumatına görə, hadisə rayonun İnəkboğan kəndində qeydə alınıb.

    Kənd sakini, 1993-cü il təvəllüdlü, İbrahimov Qaragöz Akif oğlu öz dayısı oğlu tərəfindən bıçaqlanıb. Yaralı yaxınları tərəfindən Şəmkir rayon Mərkəzi Xəstəxanasına aparılıb. Həkimlər tərəfindən əməliyyata alınan yaralının vəziyyəti orta-ağırdır. 

    Xəstəxanadan verilən məlumata görə, bel nahiyəsindən bir bıçaq zərbəsi alan Q. İbrahimov əməliyyat edilib və reanimasiya şöbəsinə yerləşdirilib.

    Yaxınlarının dediyinə görə, hadisə şəxsi münasibətlər zəminində yaranmış mübahisə zamanı baş verib.

    Faktla bağlı Gədəbəy Rayon Polis Şöbəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi