Yuxarı

Gədəbəy sakini ağacdan yıxılaraq ağır xəsarət alıb

46 yaşlı Nəriman İsmayılovun vəziyyəti ağırdır

Gədəbəy. 1 oktyabr. REPORT.AZ/ Gədəbəy sakini, 1970-ci il təvəllüdlü İsmayılov Nəriman Yusif oglu ağacdan yıxılaraq ağır xəsarət alıb.

Gəncə şəhər Təcili Tibbi Yardım Xəstəxanasından "Report"un Qərb bürosuna verilən məlumata görə, o, kəllə beyin travması və qabırğaların sınığı diaqnozu ilə xəstəxanaya yerləşdirilib.

Dərhal əməliyyat olunan yaralının vəziyyəti ağırdır. Bu səbəbdən Nəriman İsmayılov Bakıdakı xəstəxanalardan birinə göndəriləcək. 

Yaxınlarının dediyinə görə, o, inəyi üçün yarpaq yığarkən ağacdan yıxılıb.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi