Bakı. 8 sentyabr.REPORT.AZ/ Fövqəladə Hallar Nazirliyi (FHN) Abşeron rayonu Xırdalan şəhərində baş verən partlayışla bağlı məlumat yayıb. Report nazirliyin saytına istinadən xəbər verir ki, “112” qaynar telefon xəttinə daxil olan məlumata əsasən, Abşeron rayonu, Xırdalan şəhərində tikintisi başa çatmayan beşmərtəbəli yaşayış binasında partlayış hadisəsi baş verib. Dərhal FHN-in müvafiq xilasetmə qüvvələri hadisə yerinə cəlb olunub. Hazırda xilasedicilər tərəfindən 3 nəfər xilas edilib, 2 nəfərin xilasedilməsi istiqamətində işlər davam etdirilir.
Hadisə ilə bağlı FHN-in əlavə məlumat verəcəyi bildirilir.