Yuxarı

Fransada azarkeşlər arasında baş vermiş toqquşmada 16 nəfər xəsarət alıb

Polis ümumilikdə 36 nəfəri həbs edib

Bakı. 16 iyun. REPORT.AZ/ Fransanın Lill şəhərində futbol azarkeşləri arasında baş vermiş toqquşmalar zamanı xəsarət almış 16 nəfər xəstəxanalara yerləşdirilib. 

"Report" "Reuters"ə istinadən xəbər verir ki, polis ümumilikdə 36 nəfəri həbs edib. Onlardan bəziləri Rusiya vətəndaşlarıdır. 

Qeyd edək ki, dünən Lilldə futbol üzrə Rusiya yığması Slovakiya komandası ilə qarşılaşıb. Oyun 1:2 Slovakiya yığmasının qələbəsi ilə başa çatıb.

Qarşılaşmadan sonra komandaların azarkeşləri arasında toqquşmalar baş verib. Bu zaman bir neçə nəfər yüngül, bir neçə nəfər isə ağır xəsarət alıb. Onlardan bir neçəsi xəstəxanalara yerləşdirilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi