FHN Bakıdakı məktəbdə naməlum mənşəli qaz iyinin yayılması ilə bağlı məlumat yayıb

Bakı. 2 dekabr. REPORT.AZ/ Fövqəladə Hallar Nazirliyi (FHN) Bakıda 20 saylı məktəbdə naməlum mənşəli qaz iyinin yayılması ilə bağlı məlumat yayıb. "Report"un nazirliyin saytına istinadən verdiyi məlumata görə, FHN-in “112” qaynar telefon xəttinə daxil olan məlumata əsasən, Bakı şəhəri, Nərimanov rayonunda, 20 sayılı orta məktəbin müvəqqəti yerləşdirildiyi binada qaz qoxusu hiss olunub. Dərhal FHN-in Dövlət Yanğından Mühafizə Xidməti və Mülki Müdafiə Qoşunlarının müvafiq qüvvələri hadisə yerinə cəlb olunub.