Hacıqabulda hündürlükdən yıxılan fəhlə xəstəxanada ölüb - YENİLƏNİB

Hacıqabul. 11 fevral. REPORT.AZ/ Hacıqabul rayonunda hündürlükdən yıxılan fəhlə xəstəxanada ölüb.

"Report"un Mil-Muğan bürosu xəbər verir ki, həkimlərin səylərinə baxmayaraq, Rəhman Cəlilovun həyatını xilas etmək mümkün olmayıb.

Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkim briqadası cəlb olunub.

Hadisə yerinə baxış keçirilib. Meyit müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Hacıqabul rayon şöbəsinə yerləşdirilib. 

Faktla bağlı araşdırmalar davam etdirilir. 

***18:23

Hacıqabul rayonunda fəhlə hündürlükdən yıxılıb. 

"Report"un Mil-Muğan bürosu xəbər verir ki, hadisə Gilan Seramik Zavodunda qeydə alınıb. 

Belə ki, Şirvan şəhər sakini, 1995-ci il təvəllüdlü Rəhman Cabbar oğlu Cəlilov hündürlükdən yıxılaraq ağır kəllə-beyin travması alıb. Yaralı Şirvan Şəhər Mərkəzi Xəstəxanasının Reanimasiya şöbəsinə yerləşdirilib. Onun komatoz vəziyyətdə olduğu və süni nəfəs aparatına qoşulduğu bildirilir.  

Faktla bağlı Hacıqabul Rayon Prokurorluğu tərəfindən araşdırma aparılır.