Rüşvət almada təqsirləndirilən direktora hökm oxunub

Rüşvət almada təqsirləndirilən direktora hökm oxunub Bakı Ağır Cinayətlər Məhkəməsində rüşvət almada təqsirləndirilən “Fakt Araşdırıcı-N” MMC-nin direktoru Zeynal Məmmədovun cinayət işi üzrə məhkəmə prosesi başa çatıb.
Hadisə
244
19 Oktyabr , 2021 12:57
Rüşvət almada təqsirləndirilən direktora hökm oxunub

Bakı Ağır Cinayətlər Məhkəməsində rüşvət almada təqsirləndirilən “Fakt Araşdırıcı-N” MMC-nin direktoru Zeynal Məmmədovun cinayət işi üzrə məhkəmə prosesi başa çatıb.

Report" xəbər verir ki, hakim Eldar İsmayılovun sədrliyi ilə keçirilən iclasda hökm oxunub.

Hökmə əsasən, Z.Məmmədov 9 il müddətinə azadlıqdan məhrum edilib.

Qeyd edək ki, ibtidai istintaqla Z.Məmmədovun “Fakt Araşdırıcı-N” MMC-nin direktoru vəzifəsində işləyərkən xidməti vəzifələrinin icrası ilə əlaqədar ona müraciət edən ayrı-ayrı şəxsləri həmin Cəmiyyətdə işə qəbul etmək üçün müxtəlif məbləğlərdə pul vəsaitini rüşvət qismində almasına, daha sonra cinayət yolu ilə əldə edilmiş pul vəsaitinin əldə edilməsinin həqiqi mənbəyini gizlətmək məqsədilə məzmununa bilə-bilə yalan məlumatlar daxil etdiyi rəsmi sənədləri təsdiq etməklə vəzifə saxtakarlığına yol verərək pul vəsaitlərini leqallaşdırmasına əsaslı şübhələr müəyyən edilib.

İş üzrə toplanan kifayət qədər sübutlar əsasında Z.Məmmədova Cinayət Məcəlləsinin 311.3.2 (rüşvət alma- təkrar törədildikdə), 193-1.2.2 (cinayət yolu ilə əldə edilmiş pul vəsaitlərinin və ya digər əmlakın leqallaşdırılması- təkrar törədildikdə), 193-1.2.3 (cinayət yolu ilə əldə edilmiş pul vəsaitlərinin və ya digər əmlakın leqallaşdırılması- şəxs tərəfindən öz qulluq mövqeyindən istifadə edilməklə törədildikdə) və 313-cü (vəzifə saxtakarlığı) maddələri ilə ittiham elan edilib və cinayət işi baxılması üçün Bakı Ağır Cinayətlər Məhkəməsinə göndərilib.

Z.Məmmədov daha əvvəl məhkumluq həyatı yaşayıb.

Son xəbərlər

Orphus sistemi