Bakı. 23 yanvar. REPORT.AZ/ Bülbülə qəsəbə sakininin evindən 1725 manat dəyərində qızıl-zinət əşyaları oğurlayan şəxs tutulub.
"Report" xəbər verir ki, bu barədə Daxili İşlər Nazirliyinin rəsmi saytı məlumat yayıb.
Məlumata görə, Suraxanı Rayon Polis İdarəsi 31-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində ötən ilin dekabrında Bülbülə qəsəbə sakini Gülnar Kaltayevanın evindən 1 725 manat dəyərində qızıl-zinət əşyalar oğurlayan Bakı şəhər sakini, əvvəllər məhkum olunan Mətləb Məmmədov tutulub.
Faktla bağlı araşdırma aparılır.