"Elmlər Akademiyası" metrostansiyası yaxınlığında yaşlı qadını maşın vurub - FOTO - VİDEO - YENİLƏNİB

*** İlk xəbər 02:56-da dərc olunub. Video əlavə olunub.

Bakı. 12 iyun. REPORT.AZ/ Bakının Yasamal rayonunda piyadanın vurulması ilə nəticələnən yol qəzası baş verib.

"Report" xəbər verir ki, Bakı metropoliteninin "Elmlər Akademiyası" stansiyası yaxınlığında yolu keçmək istəyən 1955-ci il təvəllüdlü Ağayeva Rumiyyə Muhammədsayeviçi "Lada Priora" markalı maşın vurub.

Nəticədə qadın ağır xəsarət alaraq xəstəxanaya yerləşdirilib. Hadisəni törədən avtomobilin sürücüsü saxlanılıb. Maşın isə cərimə meydançasına aparılıb.

Faktla bağlı araşdırma gedir.