Yuxarı

Ələt-Astara magistralında avtomobil aşıb, xəsarət alanlar var

Ələt-Astara magistralında avtomobil aşıb, xəsarət alanlar var

Salyan. 5 dekabr. REPORT.AZ/ Salyanda iki nəfərin xəsarət alması ilə nəticələnən yol qəzası baş verib. 

“Report”un Aran bürosu xəbər verir ki, hadisə bu gün günorta saatlarında yeni Ələt-Astara magistral yolunun 36-cı kilometrliyində, rayonun Yenikənd kəndi ərazisində qeydə alınıb. 

Belə ki, Bakının Suraxanı rayonu, Hövsan qəsəbə sakini, 1975-ci il təvəllüdlü Qurbanov Mais Şahəddin oğlunun idarə etdiyi “Mercedes” markalı 01-BV-604 dövlət nömrə nişanlı avtomobil hərəkətdə olarkən anidən idarəetmədən çıxaraq aşıb.

Qəza nəticəsində Bakı şəhər sakini, 1982-ci il təvəllüdlü Qurbanova Aytən Füzuli qızı və Lənkəran sakini Ağayeva Mahirə Naib qızı müxtəlif dərəcəli bədən xəsarətləri alıb. Xəsarət alanlar Salyan Mərkəzi Rayon Xəstəxanasına yerləşdirilib.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi