Elektron qolbaq taxan şəxslərə ərazini tərk etmək imkanı yaradılır

“Azadlığın məhdudlaşdırılması cəzasının icrası zamanı həmin şəxslərə iki tip həvəsləndirmə tədbiri olunur”.

“Report” xəbər verir ki, bunu Ədliyyə Nazirliyinin Probasiya xidmətinin rəis müavini Musa Hümbətov deyib.

O bildirib ki, həmin şəxslər təyin olunmuş cəzanın yarısını çəkdikdən sonra onlara vaxtından şərti azadolunma ilə bağlı tətbiq oluna bilər. Eyni zamanda həmin şəxslərə həvəsləndirmə qaydada şənbə və bazar günləri, həmçinin bayram günləri onlar üçün məhkəmə tərəfindən müəyyən olunmuş ərazini tərk etmək imkanı yaradılır:

“Qeyd edim ki, bu il COVID-19-la mübarizəyə baxmayaraq, bizdə 40-dan çox məhkəmələrdə belə bir imkan yaradıldı. Həmin şəxslərin özlərinin ailə-sosial və digər məsələnin həlli ilə bağlı onlara təyin edilmiş ərazi hüdudlarından kənara qısa müddətli səfərə gedib-gəliblər”.