Yuxarı

Əfv sərəncamı 4 saylı qadın cəzaçəkmə müəssisəsində icra olunub - FOTOLAR

Tədbirdə Penitensiar Xidmətin rəis müavini Nizaməddin Cəlilov çıxış edib

Bakı. 30 dekabr. REPORT.AZ/ Azərbaycan Respublikasının Prezidenti İlham Əliyevin imzaladığı “Məhkum edilmiş bir sıra şəxslərin əfv olunması haqqında” sərəncamı Penitensiar Xidmətinin 4 saylı qadın cəzaçəkmə müəssisəsində icra edilib.

“Report” xəbər verir ki, bununla bağlı təşkil olumuş tədbirdə Penitensiar Xidmətin rəis müavini Nizaməddin Cəlilov çıxış edib.

4 saylı qadın cəzaçəkmə müəssisəsindən (CM) 2 nəfər azadlığa çıxıb. Bunlar Nüşabə Əhmədova və Günel Həsənovadır. “Report”un CM-də olan əməkdaşı xəbər verir ki, N.Əhmədovanı qohumları qarşılayıb. G.Həsənovanın isə arxasınca gələn olmayıb. O, azadlığa çıxması ilə bağlı sənədi alan kimi CM-ni tərk edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi