Yuxarı
    Bağlamaq

    DYP istirahət məkanlarının ətrafında reyd keçirib, 100-ə yaxın sürücü cərimələnib - FOTO

    Bəzi sərxoş sürücülər polislərin saxla əmrinə məhəl qoymayaraq qaçmağa çalışıb

    Bakı. 27 iyul. REPORT.AZ/ Qaxın İlisu kəndi ərazisində sərxoş sürücülərə qarşı reyd keçirilib. "Report" xəbər verir ki, reyd Baş Dövlət Yol Polisi İdarəsinin (BDYPİ) 5-ci tağımının, Qax Yol Patrul Xidmətinin və rayonlararsı narkoloji şöbənin əməkdaşlarının iştirakı ilə baş tutub.

    4 saatlıq reyd zamanı qayda pozan sürücülərə qarşı İnzibati Xətalar Məcəlləsinə (İXM) uyğun olaraq protokollar tətbiq edilib. Həmin sürücülər arasında həm İlisu kəndində istirahətə gələn qonaqlar, həm də Qax rayon sakinləri olub. Reyd zamanı yol polisi əməkdaşlarının əmrlərinə tabe olmayan sürücülərə də rast gəlinib.

    Reyd zamanı sərxoş vəziyyətdə sükan arxasında əyləşənlər saxlanılıb. Onlar arasında bəziləri polislərin "saxla" əmrinə məhəl qoymayaraq qaçmaqla inzibati cəzalardan yaxa qurtarmağa çalışıblar. Ancaq bu da həmin sürücüləri cərimələrdən xilas etməyib. 10 sürücü sərxoş halda avtomobili idarə etdiyi üçün avtomaşınları dayanacaqlara aparılıb, onlara inzibati protokollar tərtib olunub.

    Pərdə və plyonkadan qanunsuz olaraq istifadə edən sürücülərə də cəzalar tətbiq edilib, avtomaşınların pərdə və plyonkaları yerində sökülüb.

    Ümumilkdə reyd zamanı yol hərəkəti qaydalarını pozan 100-ə  yaxın sürücüyə qarşı DYP əməkdaşları tərəfindən İnzibati Xətalar Məcəlləsinə uyğun olaraq protokol tətbiq edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi