Yuxarı
    Bağlamaq

    DSX külli miqdarda narkotik vasitənin ölkəyə gətirilməsinin qarşısını alıb

    Hər iki faktla bağlı əməliyyat-istintaq tədbirləri davam etdirilir

    Bakı. 14 noyabr. REPORT.AZ/ Dövlət Sərhəd Xidmətinin (DSX) əməkdaşları növbəti dəfə külli miqdarda narkotik vasitənin ölkəmizə gətirilməsinin qarşısını alıblar.

    DSX-nin mətbuat mərkəzindən "Report"a verilən məlumata görə, ümumilikdə 7 kiloqramdan çox narkotik vasitə qanunsuz döv­riy­yə­dən çıx­arıl­ıb.

    Belə ki, Füzuli rayonunun Böyük-Bəhmənli kəndi ərazisin­dəki sərhəd zastavasının xidməti sahəsində sərhəd naryadı tərəfindən İrandan Azərbaycana dövlət sərhədini pozmağa cəhd göstərən bir nəfər sərhəd pozucusunun qarşısı alınıb. Sərhəd naryadının “dayan” çağırışına və xəbərdarlıq atəşinə baxmayaraq, havanın qaranlıq olmasından və relyefin xüsusiyyətlərindən istifadə edən sərhəd pozucusu geriyə qaçmağa müvəffəq olub. Ərazidə aparılan axtarış tədbirləri nəticəsində 4 ədəd bağlamada ümumi çəkisi 4 kq 578 qram narkotik maddə olan marixuana aşkar olunub.

    Cəlilabad rayonu, Dələli kənd ərazisindəki sərhəd zastavasının xidməti sahəsində işarəverici qurğulardan daxil olan siqnal əsasında əraziyə baxış zamanı 1 ədəd bağlamada 2 kq 500 qram narkotik maddə olan heroin aşkar olunaraq götürülüb.

    Hər iki faktla bağlı əməliyyat-istintaq tədbirləri davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi