Yuxarı
    Bağlamaq

    ​DSMF Novella Cəfəroğlu ilə bağlı məhkəmə qərarından Ali Məhkəməyə müraciət edib

    Şikayətə iyulun 5-də baxılacaq

    Bakı. 4 iyul. REPORT.AZ/ Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu Dilarə Əliyeva adına Qadın Hüquqlarını Müdafiə Cəmiyyətinin sədri, hüquq müdafiəçisi Novella Cəfəroğlu ilə bağlı məhkəmə qərarından kassasiya şikayəti verib.

    "Report"un məlumatına görə, şikayətə iyulun 5-də Ali Məhkəmədə hakim Kəmaləddin Bədəlovun sədrliyi ilə baxılacaq.

    Qeyd edək ki, Dilarə Əliyeva adına Qadın Hüquqlarını Müdafiə Cəmiyyətinin sədri, hüquq müdafiəçisi N.Cəfəroğlu Əmək və Əhalinin Sosial Müdafiəsi Nazirliyinə birləşdirilən DSMF-nin Yasamal rayon şöbəsini məhkəməyə verib. 1 saylı Bakı İnzibati-İqtisadi Məhkəməsinə müraciət edən N.Cəfəroğlu əmək pensiyasının məbləğinin yenidən hesablanması barədə tələb irəli sürüb. Məhkəmə hüquq müdafiəçisinin iddiasını təmin edib. Qərardan narazı qalan DSMF-nin Yasamal rayon şöbəsi apellyasiya şikayəti verib. Bakı Apellyasiya Məhkəməsi birinci instansiya məhkəməsinin çıxardığı qərarı dəyişdirmədən saxlayıb. DSMF-nin Yasamal rayon şöbəsinin apellyasiya şikayəti təmin edilməyib. Sonradan həmin qərardan Ali Məhkəməyə kassasiya şikayəti verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi