Dövlət Xidmətində 2018-ci ilin yanvar çağırışına hazırlıqla bağlı müşavirə keçirilib

Dövlət Xidmətində 2018-ci ilin yanvar çağırışına hazırlıqla bağlı müşavirə keçirilib Bakı. 29  dekabr. REPORT.AZ/ Səfərbərlik və Hərbi Xidmətə Çağırış üzrə Dövlət Xidmətində (SHXÇDX) 2017-ci ilin xidməti fəaliyyətin yekunlarına və 2018-ci ilin yanvar çağırışına hazırlıqla əlaqədar müşavirə keçirilib.
Hadisə
29 Dekabr , 2017 17:01
Dövlət Xidmətində 2018-ci ilin yanvar çağırışına hazırlıqla bağlı müşavirə keçirilib

Bakı. 29  dekabr. REPORT.AZ/ Səfərbərlik və Hərbi Xidmətə Çağırış üzrə Dövlət Xidmətində (SHXÇDX) 2017-ci ilin xidməti fəaliyyətin yekunlarına və 2018-ci ilin yanvar çağırışına hazırlıqla əlaqədar müşavirə keçirilib.

Bu barədə "Report"a SHXÇDX-nın Mətbuat xidmətindən məlumat verilib.

Bildirilib ki, müşavirədə Xidmət rəisi, general-leytenant Arzu Rəhimov Səfərbərlik və Hərbi Xidmətə Çağırış üzrə Dövlət Xidməti tərəfindən 2017-ci il ərzində görülmüş işlərə dair ətraflı çıxış edib, 2018-ci ildə Xidmət tərəfindən görüləcək işlər barədə məlumat verib.

Müşavirədə bir sıra məsələlər müzakirə olunub, A.Rəhimov 2018-ci ildə xidməti fəaliyyətin daha yüksək səviyyədə təşkil olunmasına dair tapşırıq və tövsiyələrini çatdırıb.

Müşavirədə Xidmət rəisinin müavinləri və idarə rəisləri görülmüş işlərə dair məruzələr ediblər. Müşavirənin yekununda Xidmət rəisinin əmri ilə xidmətdə fərqlənən hərbi qulluqçular mükafatlandırılıb.

Son xəbərlər

Orphus sistemi