Dövlət Komissiyasının “Instagram” səhifəsi fəaliyyətə başlayıb

Bakı. 19 aprel. REPORT.AZ/ Azərbaycan Respublikası Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının işçi qrupunun rəsmi “Instagram” səhifəsi fəaliyyətə başlayıb.

Bu barədə “Report”a Dövlət Komissiyasından məlumat verilib.

“dk_ishci_qrup” adı ilə fəaliyyət göstərən “Instagram” səhifəsi narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizə sahəsində aparılan işlər və bu bəlaya düçar olmamağın yolları barədə internet səhifələrində (xüsusilə sosial şəbəkələrdə) təbliğat aparılması məqsədi ilə yaradılıb.