Yuxarı

​Dostunu öldürməkdə təqsirləndirilən şəxsə hökm oxunub

Bəxtiyar Əliyev 11 il 6 ay müddətinə azadlıqdan məhrum edilib

Bakı. 30 oktyabr. REPORT.AZ/ Bakı Ağır Cinayətlər Məhkəməsində dostunu öldürməkdə təqsirləndirilən Əliyev Bəxtiyar Ələsgər oğlunun cinayət işi üzrə məhkəmə prosesi başa çatıb.

“Report”un xəbərinə görə, hakim Zeynal Ağayevin sədrliyi ilə keçirilən prosesdə hökm oxunub.

Məhkəmənin hökmü ilə B.Əliyev 11 il 6 ay müddətinə azadlıqdan məhrum edilib.

Qeyd edək ki, hadisə bu il "20 Yanvar" metro stansiyasının çıxışında yerləşən ticarət obyektlərindən birinin qarşısında baş verib. Mağaza sahibi B.Əliyevin qonşu mağazada işləyən dostu Kənan Xəlilovla aralarında mübahisə düşüb. Daha sonra hər iki şəxs bir-birlərini təpik və yumruq zərbələri vurublar. B.Əliyevin zərbələri qarşısında aciz qalan K.Xəlilovun ürəyi gedərək ölüb.

B.Əliyev Cinayət Məcəlləsinin 126.3-cü (qəsdən sağlamlığa ağır zərər vurma, bu Məcəllənin 126.1 və 126.2-ci maddələrində nəzərdə tutulmuş əməllər ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi