Yuxarı

Azərbaycanda doğuş zamanı ölüm hadisəsi baş verib

Ölən körpənin atası: Uşağın ölümündə əməliyyatı aparan həkimlər günahkardır

Bakı. 1 dekabr. REPORT.AZ/ Ağdam rayonunda körpə doğuş zamanı ölüb.

"Report"un xəbərinə görə, hadisə rayonun Quzanlı qəsəbəsində yerləşən Ağdam Rayon Mərkəzi Xəstəxanasının doğum evində baş verib.

Belə ki, övladını qeysəriyyə yolu ilə dünyaya gətirən Miyasə Nəcəfovanın körpəsi ölüb.

M.Nəcəfovanın həyat yoldaşı Elmir Nəcəfov "Report"a bildirib ki, əməliyyata qədər uşağın hər hansı problemi olmayıb: "Uşağın ölümündə əməliyyatı aparan həkimlər günahkardır".

Qeyd edək ki, M.Nəcəfova Ağcabədi rayonunun Hindarx qəsəbəsinin sakinidir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi