DİN Yevlaxda baş verən qəza ilə bağlı məlumat yayıb

Bakı. 20 dekabr. REPORT.AZ/ Daxili İşlər Nazirliyi (DİN) Yevlax rayonunda baş verən qəza ilə bağlı rəsmi məlumat yayıb. "Report" DİN-in rəsmi saytına istinadən xəbər verir ki, dekabrın 19-da saat 19 radələrində Yevlax rayonunun Əkşəm kəndində Mingəçevir şəhər sakini Zaman Süleymanovun idarə etdiyi "KamAZ-52212" və Şəki rayon sakini Famil İsmayılovun idarə etdiyi "Mercedes" markalı avtomobillər toqquşub. Sonradan "Mercedes" markalı avtomobildə yanğın baş verib və nəticədə sürücü ölüb. 

Yevlax Rayon Polis Şöbəsi tərəfindən araşdırma aparılır.