DİN: Polis polkovniki Emil Usubov nazirliyin Baş İstintaq və Təhqiqat İdarəsinin rəisi təyin edilib

Bakı. 22 fevral. REPORT.AZ/ Polis polkovniki Emil Usubov Daxili İşlər Nazirliyinin Baş İstintaq və Təhqiqat İdarəsinin rəisi təyin edilib.

Bunu "Report"un sorğusuna cavab olaraq DİN-in Mətbuat Xidmətinin rəisi, polis polkovniki Ehsan Zahidov bildirib.

Onun sözlərinə görə, DİN-in Baş İstintaq və Təhqiqat İdarəsinin rəisi polis general-mayoru Sərvər Mehrəliyev xidmət keçmənin son yaş həddi ilə əlaqədar bir müddət əvvəl təqaüdə göndərilib. Bu vəzifəyə həmin Baş İdarənin rəis müavini, polis polkovniki Emil Usubov təyin edilib.