Yuxarı
    Bağlamaq

    DİN: Masallıda evə girərək qadına və onun azyaşlı oğluna xəsarət yetirən şəxs saxlanılıb

    Əməliyyat-axtarış tədbirləri nəticəsində əvvəllər məhkum olunan Vurğun Rəhmanov şübhəli şəxs qismində saxlanılaraq Polis Şöbəsinə gətirilib

    Bakı. 12 iyul. REPORT.AZ/ Masallıda evə girərək azyaşlıya xəsarət yetirən şəxs saxlanılıb.

    Daxili İşlər Nazirliyinin mətbuat xidmətindən "Report"a verilən məlumata görə, iyulun 8-də Masallı rayonunun Ərkivan qəsəbəsində yaşayan bir qadına qarşı quldurluq edilməsi barədə DİN-in "102 Zəng Mərkəzi"nə müraciət daxil olub.

    Məlumatla əlaqədar Masallı Rayon Polis Şöbəsinin əməkdaşlarından ibarət əməliyyat qrupu hadisə baş verən ünvana gəlib. Polis əməkdaşları tərəfindən mənzil müayinə edilib, müvafiq araşdırmalar aparılıb.

    Məlum olub ki, həmin gün səhər saat 6:00 radələrində evə pəncərədən girmiş naməlum şəxs ev sahibəsini bıçaqla hədələyərək pul verməsini tələb edib, səs-küy salmağa cəhd etdikdə isə onu döyməyə başlayıb. Həmin şəxs səsə gəlmiş ev sahibəsinin azyaşlı oğluna da zərbə endirib, bıçaqla onu hədələyərək hadisə yerindən qaçıb.

    Polis əməkdaşları dərhal xəsarət almış şəxslərin təcili tibbi yardım göstərilməsi üçün xəstəxanaya çatdırılmasını təmin ediblər.

    Faktla əlaqədar Rayon Polis Şöbəsində Cinayət Məcəlləsinin 181-ci (quldurluq) maddəsi ilə cinayət işi başlanılıb.

    Görülmüş tədbirlərlə hadisənin Vurğun adlı şəxs tərəfindən törədilməsi müəyyən edilib və həmin şəxsin saxlanılması üçün müvafiq tədbirlərlə başlanılıb.

    Əməliyyat-axtarış tədbirləri nəticəsində kənd sakini, əvvəllər məhkum olunmuş Vurğun Rəhmanov şübhəli şəxs qismində saxlanılaraq Polis Şöbəsinə gətirilib.

    İstintaqa ifadəsində o, törətdiyi əməli etiraf edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi