DİN Kürdəmirdə uşağın ögey atası tərəfindən öldürülməsi barədə rəsmi məlumat yayıb - VİDEO

DİN Kürdəmirdə uşağın ögey atası tərəfindən öldürülməsi barədə rəsmi məlumat yayıb - VİDEO Bakı. 23 iyul. REPORT.AZ/ Daxili İşlər Nazirliyi (DİN) Kürdəmirdə uşağın ögey atası tərəfindən öldürülməsi hadisəsi barədə rəsmi məlumat yayıb.
Hadisə
120
23 İyul , 2018 12:08
DİN Kürdəmirdə uşağın ögey atası tərəfindən öldürülməsi barədə rəsmi məlumat yayıb - VİDEO
0 : 00
0 : 00

Bakı. 23 iyul. REPORT.AZ/ Daxili İşlər Nazirliyi (DİN) Kürdəmirdə uşağın ögey atası tərəfindən öldürülməsi hadisəsi barədə rəsmi məlumat yayıb.

DİN-in Mətbuat xidmətindən “Report”a bildirilib ki, Kürdəmir rayonunun Pirili kəndi ərazisindəki fermaların birində iyulun 16-da 5 yaşlı Murad Bayramovun atdan yıxılması, aldığı xəsarət nəticəsində iyulun 21-də öldüyü barədə Rayon Polis Şöbəsinə məlumat daxil olub.

Polis və prokurorluq orqanlarının əməkdaşları tərəfindən həyata keçirilmiş istintaq və əməliyyat tədbirləri nəticəsində uşağın ögey atası, fermada yaşayan və işləyən, əvvəllər məhkum olunmuş Abdulla Abdullayev tərəfindən iyulun 16-da ağac parçası ilə döyülməsi və aldığı xəsarətlərdən ölməsi müəyyən edilib.

Görülmüş tədbirlərlə A.Abdullayev tutulub.

Faktla əlaqədar Cinayət Məcəlləsinin 126.3-cü (Qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb. 

Son xəbərlər

Orphus sistemi