Yuxarı

DİN Bakıda polis əməkdaşının yaralanması ilə bağlı rəsmi məlumat yayıb

Polisi yaralayan Yevgeni Antonovski tutulub, faktla bağlı araşdırmalar aparılır

Bakı. 26 oktyabr. REPORT.AZ/ Daxili İşlər Nazirliyi 36-cı Polis Bölməsinin yaralanan əməkdaşı İltifat Bayramovla bağlı rəsmi məlumat yayıb. Nazirlikdən "Report"a verilən xəbərə görə, polisi yaralayan Yevgeni Antonovski tutulub.

Məlumata görə, oktyabrın 26-da saat 05 radələrində Xətai rayonu ərazisində xidmətdə olan 36-cı Polis Bölməsinin əməkdaşları İltifat Bayramov və İsmayıl Şahbazov şübhə doğuran 2 nəfərə yaxınlaşarkən onlardan biri odlu silahdan açdığı atəşlə İ.Bayramova ayaq nahiyəsindən xəsarət yetirib və hadisə yerini tərk ediblər.

Görülən tədbirlərlə onlardan biri - Bakı şəhər sakini, əvvəllər məhkum olunmuş Yevgeni Antonovski tutulub və ondan kustar üsulla hazırlanmış tapança götürülüb.

Faktla bağlı araşdırmalar aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi