Deputat: “Ağdaşda yeniyetmənin qətlə yetirilməsi ilə bağlı deyilənlər doğru deyil”

Bakı. 11 dekabr. REPORT.AZ/ “2005-ci il təvəllüdlü Ağdaş sakini İsmayıl Abuzərovun qətlə yetirilməsi ilə bağlı deyilənlər doğru deyil. O, intihar edib. Məndə olan məlumat budur. Bu məsələ ilə bağlı hüquq mühafizə orqanları məşğul olur”.

Bunu “Report”a açıqlamasında Milli Məclisdə Ağdaş rayonunu təmsil edən deputat Cavid Osmanov deyib.

Onun sözlərinə görə, həmin yeniyetmə normal qaydada məktəbə gedib, təhsil alıb: “Deyilənə görə, dərslərini də yaxşı oxuyub. O, eyni zamanda dini təhsil də alırmış. Bununla bağlı məktubunda da qeydlər var. Fikirimcə, uşağın psixi problemləri olub”.

Qeyd edək ki, ötən həftə 2005-ci il təvəllüdlü İsmayıl Çingiz oğlu Adıgözəlov yaşadığı evin həyətində özünü kəndirlə asaraq intihar edib. Onun məktubu tapılıb. O, məktubunda peyğəmbərin yanına getdiyini yazıb.