Yuxarı
    Bağlamaq

    Dələduzluqda təqsirləndirilən şəxs məhkəmə zalından azadlığa buraxılıb

    Murad Quliyevin cəmi bir epizodda Loğman Cəfərovla əlbir olduğu bildirilib

    Bakı. 14 oktyabr. REPORT.AZ/ Bu gün Bakı Ağır Cinayətlər Məhkəməsində dələduzluqda təqsirləndirilən Loğman Cəfərov və Murad Quliyevin cinayət işi üzrə məhkəmə prosesi başa çatıb.

    "Report"un məlumatına görə, hakim Azər Orucovun sədrliyi ilə keçirilən prosesdə hökm oxunub.

    Məhkəmənin hökmü ilə L.Cəfərov 4 il 7 ay müddətinə azadlıqdan məhrum edilib. M.Quliyev isə 2 il sınaq müddəti olmaqla şərti cəza verilib. O, məhkəmə zalından azadlığa buraxılıb.

    Belə ki, məhkəmə zamanı zərərçəkmişə dəyən 9 min manat maddi ziyan ödənilib. Qanunvericiliyə edilən son dəyişikliyə əsasən, bu şəxslərin hərəkətiinin "külli miqdarda dələduzluq" hesab olunmadığı qeyd edilib. L.Cəfərov və M.Quliyev Cinayət Məcəlləsinin 178.3.2-ci (külli miqdarda dələduzluq) maddəsi 178.2-ci (təkrar dələduzluq) maddəsinə tövsif edilib. Murad Quliyevin cəmi bir epizodda L.Cəfərovla əlbir olduğu qeyd edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi