Yuxarı
    Bağlamaq

    Dələduzluqda təqsirləndirilən qadın məhkəmə zalında həbs edilib

    Tamella Nəsrullayevanın sədrliyi ilə keçirilən prosesdə hökm oxunub

    Bakı. 14 fevral. REPORT.AZ/ Bu gün Bakı Ağır Cinayətlər Məhkəməsində dələduzluqda təqsirləndirilən Asya Hüseynova və Sevinc Orucovanın cinayət işi üzrə məhkəmə prosesi başa çatıb. "Report"un məlumatına görə, hakim Tamella Nəsrullayevanın sədrliyi ilə keçirilən prosesdə hökm oxunub.

    Məhkəmənin hökmü ilə A.Hüseynova 8 il 6 ay müddətinə azadlıqdan məhrum edilib. S.Orucova barəsində isə 8 il müddətinə azadlıqdan məhrumetmə qərarı çıxarılıb. O, məhkəmə zalında həbs olunub.

    Qeyd edək ki, ittiham aktına əsasən, təqsirləndirilən şəxslər kustar üsulla hazırlanmış saxta qızılları girov qoyaraq dələduzluq yolu ilə Səmayə Hüseynovanın ümumilikdə 380 min manat, Gülşən İmranovanın isə 42 min manat nəğd pulunu ələ keçiriblər. S.Orucova barəsində polisin nəzarətinə verilmə qətimkan tədbiri seçilib.

    Həmin şəxslər Cinayət Məcəlləsinin 178-ci (dələduzluq) maddəsi ilə ittiham olunublar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi