Yuxarı

Dələduzluqda təqsirləndirilən keçmiş hakimin vəsatətləri təmin edilməyib

Məhkəmənin baxış iclası oktabrın 6-nə təyin edilib.

Bakı. 3 oktyabr. REPORT.AZ/ Bu gün Bakı Ağır Cinayətlər Məhkəməsində dələduzluqda təqsirləndirilən keçmiş hakim Fəxrəddin Rzayevin cinayət işi üzrə məhkəmənin hazırlıq iclası davam etdirilib.

"Report"un məlumatına görə, hakim Fikrət Qəribovun sədrliyi ilə keçirilən prosesdə təqsirləndirilən şəxsin vəkili vəsatətlə çıxış edib.

Vəkil çıxışında hüquqlarını müdafiə etdiyi şəxsin cinayət işinə xitam verilməsini və F.rzayevin barəsində olan həbs qətimkan tədbirini dəyişdirib,ev dustaqlığı ilə əvəz edilməsini istəyib.

Hakim bildirib ki, F.Rzayev 2 il axtarışda olduğu üçün vəsatətlər təmin edilmir. 

Məhkəmənin baxış iclası oktabrın 6-nə təyin edilib.

Qeyd edək ki, F.Rzayev Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə ittiham olunur.

F.Rzayev əvvəllər Yasamal Rayon Məhkəməsinin hakimo olub. Bir müddət isə Bakı Hərbi Məhkəməsinin icra şöbəsində çalışıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi