Yuxarı
    Bağlamaq

    Dələduzluqda təqsirləndirilən iş adamının həbs müddəti uzadılmayıb

    Müstəntiqin vəsatəti və prokurorluğun təqdimatı təmin edilməyib

    Bakı. 5 oktyabr. REPORT.AZ/ Bu gün Yasamal Rayon Məhkəməsində dələduzluqda təqsirləndirilən iş adamı Vüsal Abazərlinin həbs müddətinin uzadılması ilə bağlı istintaq orqanının verdiyi təqdimata baxılıb.

    Bu barədə "Report"a vəkil Elvin Səlimov məlumat verib.

    Vəkilin sözlərinə görə, hakim Hüseyn Səfərovun sədrliyi ilə keçirilən prosesdə qərar elan olunub.

    Qərara əsasən, V.Abazərlinin həbs müddətinin uzadılması ilə bağlı Yasamal Rayon Polis İdarəsinin istintaq şöbəsinin müstəntiqinin vəsatəti və prokurorluğunun təqdimatı təmin edilməyib.

    Qeyd edək ki, V.Abazərli ticarətlə məşğul olur. Ona Cinayət Məcəlləsinin 178.3.2-ci (külli miqdarda dələduzluq) maddəsi ilə ittiham irəli sürülüb. Verilən ittihamda onun şəhər sakininə qarşı 319 min manat və 43 min dollar dələduzluq etdiyi bildirilib. Onun barəsində həbs qətimkan tədbirinin müddəti sabah başa çatır. Bu səbəbdən V.Abazərli oktyabrın 6-da azadlığa buraxılacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi