Yuxarı
    Bağlamaq

    Dələduzluqda təqsirləndirilən internet TV təsisçisi məhkəmədə ifadə verib - YENİLƏNİB

    Məhkəmə prosesi davam etdiriləcək

    Mingəçevir. 13 iyun. REPORT.AZ/ Mingəçevirdə dələduzluqda təqsirləndirilən internet TV təsisçisinin məhkəməsinə dövlət ittihamçısı ittiham aktını elan edib. 

    "Report"un Şirvan bürosunun məlumatına görə, ittiham aktına əsasən, cinayət işi üzrə 10 zərərçəkmiş var. Təqsirləndirilən şəxs həmin şəxslərin ümumulikdə 10 162 manat pulunu dələduzluq yolu ilə ələ keçirib. Elan olunmuş ittiham üzrə İ.Şirinov özünü qismən təqsirli bildiyini söyləyib. O, dindirilərkən kimlərinsə yalnış vədlərinə inandığını etiraf edib. 

    Prosesdə 8 zərərçəkimiş ifadə verib. Digər 2 zərərçəkmiş isə məhkəməyə gəlmədiyi üçün növbəti iclasda dindiriləcək. 

    Məhkəmənin növbəti iclası iyun 22-nə təyin edilib.


    ***17:14

    Mingəçevir. 13 iyun. REPORT.AZ/ Bu gün Mingəçevir Şəhər Məhkəməsində dələduzluqda təqsirləndirilən İnqilab Xosrov oğlu Şirinov cinayət işi üzrə məhkəməsi başlayıb.

    “Report” Şirvan bürosunun məlumatına görə, hakim Ələkbər Hüseynovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

    Hazırda proses davam etdirilir.

    Qeyd edək ki, İ.Şirinov Cinayət Məcəlləsinin 178.2.2-ci(dələduzluq, təkrar törədildikdə) maddəsi ilə ittiham olunur. O, vətəndaşlara özünü "Qurtuluş TV"nin təsisçisi kimi təqdim edərək, onları əməkdaşlığa cəlb olunacağını vəd edib və həmin şəxslərin etibarından istifadə edərək dələduzluq yolu ilə pul  ələ keçirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi